Friday, May 8, 2009

Ingatan niyo 'tong batang 'to.

After ng trabaho, nakasanayan ko na noon na magworkout sa isang gym sa may Taft. Kaya mula opisina, bibyahe pa ako papunta gym dahil may kalayuan pa.

Pagkatapos ko magworkout, naisipan ko na lang na lakarin na lang papuntang LRT station para makauwi ng mas mabilis kaysa sa nakagawian kong magjeep na lang sa labas ng gym.

Habang naglalakad sa kahabaan ng Quirino Ave., napansin kong may mga taong natutulog sa gilid ng kalsada. Grupo grupo tsaka medyo maingay dahil nagtatawanan.

Nakakatuwa dahil kahit alam kong mahirap ang buhay nila, nakukuha pa din nilang tumawa.

Pero may isang nakakuha ng atensyon ko.

Isang batang babae. Nakadapa at mukhang may sinusulat.

Nung napadaan ako sa kung saan siya nakadapa, napangiti ako.

May sinusulat siya sa notebook niya habang may binabasa sa textbook sa kabila. Mukhang nag aaral at gumagawa ng assignment.

Hindi ko alam kung anong naramdaman ko pero parang napuno ng pag-asa yung dibdib ko. Nakakalungkot nga lang dahil mukhang gustung-gusto ng batang yun na mag-aral pero nakakaranas siya ng ganung hirap. Samantalang ilang bata ang maykaya na sinasayang lang ang pagkakataon.

Ingatan niyo 'tong batang 'to, sinabi ko sa Kanya.

Sana kayanin niya lahat ng paghihirap niya. At sana sa susunod na magkita kami, maramdaman ko uli yung naramdaman ko nung nakita ko siyang tutok na tutok sa pag-aaral.

Umuwi akong masaya at punum-puno ng pag-asa.

3 comments:

Mink said...

awww.

unfair talaga ano. may God bless her! Us too!

aia said...

...I'm a gay and i have a lot of breams in my simple life. you know what. a person like you is rare nowadays, you are happy seeing other in simple way they do,,, and the kid? don't worry i will pray for her safety and i know,he who pursue hes dreams can have it by the help of other people like you the courage you show to her really matters most. whats why good luck and continue seeing others the way you did.

my-so-called-Quest said...

nakonsensya naman ako. aayusan ko na nga aral ko. hehe
ingats po!

Related Posts with Thumbnails
 
;