Saturday, September 1, 2012

Hindi ko na kinaya yung last 2 lines sa pagkanta ni Manong

Katulad ng nabanggit ko sa iba kong mga posts, mahirap maging OFW lalo na kung ang pamily at karamihan ng mga kaibigan mo eh nasa 'Pinas.

Buti na lang medyo malapit lang ang 'Pinas kung saan ako nagtatrabaho kaya naman imbes na ipangshopping ko pa yung pera ko, pinambibili ko na lang ng ticket pauwe para naman makapagrecharge sa bahay.

Hindi naman ako masyadong gumagastos katulad ng iba kong OFW friends. Sila kasi kung umuwe, parang may papiyesta sa kanila ang buong pamily. At ang masama nun, sila ang sagot. Haha

Parang umuwe lang sila para magpamudmod ng pera.

Buti na lang, kaya ko pang magtago sa ibang kamag-anak para hindi malaman na umuwe ako. :P

Kaya kahit ilang araw lang, ok lang basta makauwe.

Pinakamahirap lang ung araw na babalik ka na dahil kailangan mo na uli magtrabaho kinabukasan.

Katulad nung isang beses na umuwe ako.

Naglunch muna kami nila Mama sa isang restaurant sa Manila.

Balak pa sana naming manuod ng sine kaso naman baka mahirapan na ako makasakay ng taxi papunta ng airport kaya tumambay na lang kami sa bahay at nagkwentuhan.

Nung oras na, hinatid nila ako sa sakayan ng taxi. Hindi ko na sila pinasama ng airport dahil wala din naman silang ibang gagawin kundi makita ako pumasok sa terminal.

Ganun din naman ang mangyayari kung ihahatid nila ako sa taxi diba?

Mas tipid pa.

Medyo nasasanay na din naman ako na mag-isa umalis papunta airport.

Buti na lang machika si Manong Driver kaya hindi ako masyadong nabagot sa byahe.

Sakto nung nasa may MOA kami, biglang tumugtog yung 'Dreaming of You' ni Selena.

Late at night when all the world is sleeping. 
I stay up and think of you.
And I wish on a star, 
That somewhere you are thinking of me too. 

So dahil ang ganda ng kanta, nagmoment ako ng slight.

Habang si Manong eh todo maneho lang at may konting paghum sa kanta.

'Cause I'm dreaming of you tonight 
'Til tomorrow, I'll be holding you tight 
And there's nowhere in the world I'd rather be 
Than here in my room dreaming about you and me.

Hanggang sa ang paghum ay natuloy na sa pagkanta.

Wonder if you ever see me, and I 
Wonder if you know I'm there 
If you looked in my eyes, 
Would you see what's inside? 
Would you even care?

Sige lang si Manong. Napangiti ako dahil bihira ang mga lalaki na malakas loob kumanta ng pambabaeng kanta lalo na kung hindi naman nila kilala yung kasama nila.

I just want to hold you close
But so far, all I have are dreams of you
So I wait for the day, and the courage to say
How much I love you.
(yes I do) -- oo pati ang 2nd line nadali ni Manong.

Mas lalo ako tumambling nung pati ung lalaki na ung nagsasalita, kabisado pa din ni Manong.

Corazon, I can't stop dreaming of you, 
No puedo dejar de pensar en ti, 
I can't stop dreaming, 
Como te nesesito, 
I can't stop dreamind of you, 
Mi amor como teextrano

Kahit mali-mali na ung Spanish, go lang siya!

Basta katunog daw, ok na yun.

Videoke naman pala talaga. Haha

Late at night when all the world is sleeping 
I stay up and think of you 
And I still can't believe 
That you came up to me and said I love you 
I love you too

'Wow! Kabisado pa din talaga, Manong?' sabi ko ng pabiro.

Hindi ata ako narinig ni Manong kasi todo kanta lang siya.

Hanggang sa...

Dreaming all tonight 
Till tomorrow and for all of my life

Pataas na ang boses ni Manong. Sinasabayan si Selena.

Hindi ko na kinaya yung last 2 lines sa pagkanta ni Manong:

And there's nowhere in the world I'd rather be 
Than here in my room dreaming with you endlessly

Nahiya yung mga naipit na daga sa elevator dun sa 'endlessleeeeeee!' ni Manong.

Napapalakpak ako kay Manong. Sakto ang dating namin sa NAIA.


'Ayos, Manong. May free entertainment ang byahe!' sabay ngiti kay Manong habang inaabot yung bayad.

Natawa na lang siya habang kinukuha niya yung pera.

"Sige, Ser. Ingat na lang 'ho kayo sa byahe niyo.'

"Sige. Salamat."

Ang saya ng byahe. Atleast medyo nabawasan yung lungkot ng pag-alis ko dahil kay Manong.

Nung naglalakad na ako papunta dun sa entrance, may namukhaan akong kakilala.

Nakita niya din ako kaya nag-abot kami sa may entrance.

Ngiti lang siya.

"Anong ginagawa mo dito? May hinatid ka?" tanong ko.

Mga ilang segundo bago siya nagsalita.

"Wala. Ikaw ang sadya ko."

Ha?!

Nabasa niya yata ung reaksyon ko dahil hindi ko maintindihan kung ano yung ibig sabihin nung sinabi niya.

"Magkatext tayo. Siyempre alam ko kung nasaan ka na." sagot niya.

"Huh?"

"Inunahan lang kita."

"Bakit? Magkatext naman tayo."

"Oo nga. Wala lang. Siyempre kahapon lang tayo nagkakilala. Gusto ko lang makita ka uli bago ka umalis."

Pwede bang magcartwheel habang kumakain ng kumukulong bubog?

Napangiti na lang ako.

"May oras ka pa ba?"

"Oo. Inagahan ko kasi last time na bumyahe ako, muntik na ako hindi makasakay. Ngayon sinigurado kong maaga ako makakarating ng airport." sagot ko.

"Pwede ba tayo mag-usap muna kahit ilang minuto lang?"

"Ano ka ba. Oo naman."

Sabay lakad kami sa may malapit na upuan at nagkwentuhan.

Halos isang oras din kami nagkukwentuhan bago siya nagdecide na papasukin na ako sa terminal.

"Kailan sunod na uwe mo?" tanong niya.

"Hindi pa nga ako nakakaalis, uuwe na ako uli?"

"Eh siyempre. Kamusta naman yung twice lang tayo nagkita? Understatement ang 'bitin' kung sasabihin ko."

Bitin talaga.

"Sa December pa eh. Ang tagal pa."

"Oo nga."

Natahimik siya uli bago nagsalita.

"May Skype naman. Tsaka Facebook. At teka nga, hindi mo pa ako inaadd sa Facebook!"

"Agad-agad talaga? Haha. Hindi pwedeng umuwe muna ako tapos dun magbukas ng Facebook sa bahay?"

Natawa na lang siya.

"Sige na nga. Basta may Facebook at Skype at Whatsapp at Viber."

"Andami ah."

"Oo naman. Sinasabi ko lang sa'yo na may iba pang options."

Sabay taas ng dalawang kilay.

Double meaning.

"Oo naman. Usap at chat tayo everyday. Kahit wag na ako magtrabaho. Kahit wag na magbayad ng rent. Hanggang sa madeport ako." biro ko.

"Gago."

Natawa na lang kami.

Hanggang sa nagpaalaman na kami at inintay niya ako makapasok ng terminal bago umalis pauwe.

Hindi ko alam kung matutuwa ako o malulungkot lalo.

Basta excited na ako sa susunod na uwe ko ng 'Pinas. :)

0 comments:

Related Posts with Thumbnails
 
;