Thursday, September 13, 2012

Iba pa din talaga magmahal ang Pinoy


"Bihira ka na lang naman kumain dito. Okay lang yan." sabi niya.

Nagdecide kasi kami kumain sa Jollibee.

"Ginto ang Jollibee sa Singapore. Haha. Nakakamiss ang Chicken Joy at ang Spaghetti." sagot ko.

Buti na lang at hapon na kaya wala na gaanong tao. Mamaya pa uli mapupuno ito pagdating ng oras ng hapunan.

Siyempre, manok at spaghetti nanaman ang inorder ko. Ganun din siya.

"Gaya-gaya."

"Wow. Habang ako ang unang nakaorder." sagot niya. "Kumain ka na nga lang dyan. Kung ayaw mong malagutan ng hininga."

"Bayolente talaga? Ganun kabilis?"

Sabay kaming natawa.

Hanggang sa napansin ko yung kapapasok lang na 2 matanda. Mukhang mag-asawa.

Nakakatuwa dahil kahit na matanda na sila, magkahawak pa din sila ng kamay.

Napalingon din siya at nakita kung ano yung tinitingnan ko.

"Bata ka pa. Tsaka mo na problemahin yan." sabay ngiti.

Ganoon ba kaobvious? sabi ko sa isip ko.

"Oo naman. Nakakatuwa lang."

Sakto dahil pagkaorder nila, sa kabilang table lang sila naupo.

"Tigilan mo nga ako sa mga kalokohan mo." sabi ng babae.

"Oo na. Ang daldal mo talaga. Hindi ka pa ba napagod sa nilakad natin?" sagot nung lalaki.

Siyempre tuloy ang kain namin at hindi ko mapigilan na mapangiti tuwing naririnig ko sila nagtatalo.

Natatawa na lang din siya dahil naririnig niya din.

"Ang tanda-tanda mo na, kung makapagchismis ka pa sa kapitbahay, parang disi-otso lang tayo." sabi uli ng lalaki.

"May mga apo na tayo!" biro pa niya uli.

"Ewan ko sa'yo. Kumain ka na nga lang dyan. May yelo nanaman yang inumin mo. Teka, papatanggal ko nga."

"Ok na yan."

"Tigilan mo nga ako. Tapos kapag nagkasakit ka nanaman, ako nanaman hindi makakatulog kakaubo mo."

"Kasalanan ko ba..."

"Oo, kasalanan mo!" putol ng babae.

Napapailing na lang kami. Kunwari nag-uusap kami pero sila ang pinag-uusapan namin.

Kung mag-away kasi parang walang bukas.

Hanggang sa natapos na lang sila kumain.

Nakikinig pa din kami kapag may bagong issue sina lolo at lola.

Kunwari iba ang tinutukoy pero sila ang pinag-uusapan.

"'Lika na. Punta na tayo kina Loy." sabi ni lola.

"Sige."

At sabay silang tumayo papalabas.

Hindi na niya nakita, pero nung palabas na yung dalawa, si lolo pa ang nagbukas ng pinto para sa asawa niya kahit na nauna ung babae sa paglalakad.

------------------------------------

Kung mag-away parang aso't pusa pero nakikita at nararamdaman mo pa din kung gaano nila kamahal ang isa't isa.

Iba pa din talaga magmahal ang Pinoy. :)

Photo from FoundationLife.net



1 comments:

Overthinker Palaboy said...

awwww. ang cute ng couple :) reminds me of the couples in love in the time of cholera, pati na rin yung couple sa like water for chocolate :)

Related Posts with Thumbnails
 
;